Tu es el título de un poema de Lucía López Marco, incluido en el libro Cuan plegue o colapso, obra ganadora del Premio Arnal Cavero 2022, dentro de la colección Literaturas de Aragón. Serie en lengua aragonesa.
Tu
Tu crexiés en a tierra d’o mío vientre
yeras simién
Y enradigués en a mía matriquera,
en a mía madre.
Yo sentiba o tuyo traquiar en o de yo,
y un melicallo d’amor nos uniba
fendo-nos una.
Pero nos separoron.
En un mundo a o canto d’o colapso
tu no querebas abandonar
a seguridat d’a matria
y t’abioron de rancar de yo.
Tu tiens, pa cutio, a encarnadura d’o melicallo crebau,
yo lo costurón d’un utero trencau
que no quereba dixar d’abrazar-te,
D’una ferida que nos salvó a vida,
que nos dió a vida
a las dos.
Y encara que ya no te muevas aintro de yo
o mío corazón ya no traquitía solenco
agora solo sabe fer-lo
a o ritmo d’o tuyo.
Cuan plegue o colapso, obra ganadora del premio Arnal Cavero 2022
ÚLTIMAS NOTICIAS:
- Tú, ¿a qué estás dispuesto a renunciar? Por Fernando Sánchez, alcalde de Canfranc
- Más de 400 deportistas disputan en Panticosa la XLI Travesía CMP del Club de Montaña Pirineos
- La salud de los árboles, el agua y los incendios, en las charlas del 50 aniversario del IFA de Jaca
- Febrero comienza con Santa Águeda en el Alto Gállego
- Berdún se prepara para volver a disfrutar de su tradicional Carnaval de los Zarrapatrosos
